Mindat khua ah kahdohnak a chuak, SAC ralkap a thimi an um
The Chinland Post | 2022 September 30 – Chin ramkulh, Mindat khua September 29 zinglei ah kahdohnak a chuak i SAC ralkap a thi mi an um tiah Mindat khuami sin in thawng theih a si.
Mindat khuachung kahdohnak dirhmun a langhter lengmang mi pakhat nih September 29 zinglei ah CDF-Mindat le SAC ralkap karlak ah kahdohnak a chuak tiah amah Facebook cahmai ah a tar.
“Mindat khua Traditional Hospital pawng ah SAC ralkap pawl an um. September 29 zinglei ah CDF-Mindat le SAC ralkap karlak ah kahdohnak a chuak, SAC ralkap pakhat a thal, kahdohnak thawng cu a dai cang” tiah a ṭial.
A luancia September 22 zong ah CDF-Mindat nih nikhat chungah Mindat khuachung hmun 5 ah kahdohnak an tuah i SAC ralkap a thi mi an rak um.
About The Author
