Moebye khuachung ah hriamngan a tla i hngakchia 5 an thi

The Chinland Post | 2022 October 13 – Shan ram thlanglei, Moebye peng chung ah SAC ralkap nih hriamngan in a kah ruangah kum 10 tang hngakchia 3 telh in hngakchia 5 September thla chungah an thi i 14 an i hliam tiah Shan Nuhrin Covo phu nih October 12 ah a thanh.

SAC brigade 66 nih an kah mi a si tiah aa ṭial. September 8-26 tiang Moebye peng sang chungah SAC ralkap an rak lut i PDF pawl he kahdohnak a chuah caah SAC ralkap nih sang chungah hriamngan a kah.

SAC ralkap nih mipi pawl kha khamnak ah an tlaih hna i atutiang Moebye khuachung, khualeng le Settawya tlang hna ah hmunhma an khuar rih tiah a thanh.

Na ruahning rak langhter ve.. (Leave a comment)

%d bloggers like this: