June 22, 2024

Moebye Pawng Ah Mipi 26 SAC Ralkap Nih a Bu In An Thahnak Kong Kan Cohlang Lo Tiah An Thanh

0

The Chinland Post | 2023 June 15 — Shan ram thlanglei, Moebye pawnghrawng ah SAC ralkap nih June 6-8 tiang ah mipi 26 a bu in a thahnak hna kong ah fak pin in kan cohlang lo tiah NUG Ministry of International Cooperation nih June 14 ah a thanh.

SAC ralkap pawl nih June 6-8 chung ah Moebye khua chaklei pura pawng ah khuami 14 a bu in a thah hna i Moebye pawng ah SAC nih Motor in a kah ruang sh minung 12 thi tiah theih a si.

SAC ralkap nih an kah mi mipi 6 hna ruak cu Shan khuami hna nih an hmuh i adang ruak 5 zong lak ṭhan an duh ko nain SAC ralkap nih an tlerh hna caah an la kho rih lo tiah theih a si.

Cun a luancia zarh 2 chung ah, SAC ralkap hriamngan ruang ah mipi 12 an thih leng ah 20 hliam an tuar tiah an langhter.

Cucaah atu bantuk hramhram in mi thahnak kong he pehtlai in a bawntu zeibantuk phu hmanh tuanvo lakter nan si lai tiah an langhter.

About The Author

Na ruahning rak langhter ve.. (Leave a comment)