Mogok peng ah SAC ralkap mawṭaw chungah bom an hlonh hnawh hna i ralbawi telh in 7 an thi, tampi an i hliam

The Chinland Post | 2022 August 31 – Mandalay ramṭhen, Mogok peng, kwoitpin le Laungsin khua karlak August 30 zinglei sml 8 hrawngah SAC ralkap mawṭaw chungah Mogok hrambunh PDF nih bom an hlonh hnawh hna i bo 3 bawi telh in 7 an thi tiah theih a si.

Kwoitpin le Laungsin khua karlak ah Mogok hrambunh PDF battalion 1222 nih bom puah hnawh ding in an hngah hna lioah SAC ralkap 20 hrawng a phormi Starx mawṭaw chungah bom an hlonh hnawh hna i bo 3 ralbawi le adang ralbawi pakhat a hmun ah an si i SAC battalion commander hliam a tuar tiah Red Wolves of Mogok sin in theih a si.

Cu hnuah Mogak hrambunh PDF battalion 1221, 1222, 1223 le PLA phufonh nih SAC ralkap 60 hrawng cu sml 1 hrawng an kah ṭhan hna i bom voi 3 an puah hnawh hna. PDF phufonh him tein an kir kho tiah theih a si.

SAC ralkap lei in a thimi bo 3 ralbawi le adang ralbawi 1 cu an khangh hna i adang ralkap 5 zong an phum hna lengah ralkap 14 cu Mogok sizung ah mizaw phor mawṭaw 6 in voi 3 an kalpi hna tiah Red Wolves of Mogok phu nih an thanh.

Na ruahning rak langhter ve.. (Leave a comment)

%d bloggers like this: