June 21, 2024

Mone Ah SAC Ralkap Pawl Ni 3 Chung An Doh Hna I 12 Hrawng An Thi

0

The Chinland Post | 2023 July 5 — Bago ramṭhen, Mone peng, Mone-Zayatgyi lam ah a um mi Ohphyat khuate le Kanyinkya khuate ah a um mi SAC ralkap pawl cu July 3 ah Yoma Column (2) le KNLA phufonh nih nikhat chung ah voi 3 an doh hna tiah theih a si.

SAC ralkap riahcaw phorhnak lam thluangthluan ah himnak lakpiak ding in a rak phan mi SAC ralkap pawl cu Ohphyat khuate pawng zinglei ah voikhat, chun ah voikhat tiah Drone in 40MM, 60MM pawl in bom an thlak hnawh hna i SAC ralkap 4 an thi, 2 hliam an tuar tiah theih a si.

Cun July 3 zaan sml 8:00pm hrawng ah Kanyinkya khua sianginn ni chuahlei ah a rak phan mi SAC ralkap pawl cu PDF phufonh nih hriamngan bawm in an doh ṭhan hna caah kaphnih karlak kahdohnak a chuak i SAC ralkap 8 an thi, 7 hliam an tuar tiah theih a si.

Bago ramṭhen, Mone peng, Htantabin peng, Nyaunglaybin peng, Kyaukgyi peng, Shwegyin peng, Phyo peng hna ah SAC ralkap he kahdohnak nifatin in a chuak i July 2 ah Nyaunglaybin peng ah a um mi Chaungphyat hlei pawng ah SAC ralkap pawl le dothlennak phufonh karlak kahdohnak ah SAC ralkap 14 hrawng an thi tiah theih a si.

About The Author

Na ruahning rak langhter ve.. (Leave a comment)