Monekoe Kahdohnak Ah Ralkap Brigadier General Telh In Tamlak Te An Thi
The Chinland Post | 2023 November 7 — Shan ram chaklei, Monekoe hrambunh Brigade 99 Commander Brigadier General Aung Kyaw Lwin cu November 6 ah Drone bom nih a khen caah a thi tiah ralkap lei thawngzamh le CDM ralbawi pawl nih an chim.
“Brigade 99 Commander Brigadier General Aung Kyaw Lwin a thi tiah thawng kan theih. Meiktila hrambunh Brigade 99 kuttang ralkap pawl cu an lau tuk cang. Nifatin in a thi mi an tam. Tukar hrawng ah IB 113 in Second Battalion Commander le adang ralbawi pawl 7 an thi. IB 418 chung zong ah a thi mi an tam. Ralkap chung ah Brigade 99 kuttang ralkap an thi ti mi thawngpang lawngte a leng” tiah ralkap chung lei nih an chim.
Brigadier Aung Kyaw Lwin hi No. 8 Military Operations Command hmunhma a si mi Taninthary ramṭhen, Dawei khua ah a um mi MOC in Brigade 99 Brigadier ah August thla in rak ṭhial mi a si.
CDM ralbawi pakhat nih Brigade 99 Brigadier a thi ti mi thawngpang a leng, Colonel rank in Brigade 99 Commander a thih a si ahcun Brigadier General ah rank kai ding in chikhat an ṭuanter mi a si lai tiah Khit Thit ah a chim.
About The Author
