Monekoe Peng Um Kachin Nunphung Le Zatlang Bu Le Nu Bu Hna Nih MNDAA Sin Ah Lunglawmhnak An Langhter

0

The Chinlandpost | December 2, 2023 — Monekoe peng um Kachin nunphung le zatlang bu le Kachin nu bu hna nih November 22 le November 25 ah Shan ramkulh MNDAA special area no. 1 Monekoe pengkulh uknak zung ah  ra in  lunglawmhnak an langhter tiah The Kokang sin in theih a si.

MNDAA nih Monekoe ram mipi uknak sersiam ṭhannak ah ei-din, ti rawl thutdirnak, siang cacawnnak, rianṭuannak kong ah cu hlan bantuk dirhmun kan phan ṭhan cang ko tiah MNDAA lei nih thawngthanhnak an tuah.

Kachin nunphung le zatlang bu nih Kachin miphun nih an sunhsak cem mi phunglam ning in MNDAA sin ah lunglawmhnak an langhter i, MNDAA Monekoe pengkulh uktu chang bawi Chang Ly Phar zong nih  Kokang le Kachin tlangcung miphun pahnih hna cu Kokang Yangmoe sawbua chan in dohthlennak ah ṭangṭi lengmang mi unau hawikom ṭha an rak si tiah a chim i, Monekoe peng um Kachin unau zatlang phu lei zong nih Monekoe peng sersiam remh ṭhannak cu lunglawm tein kan cohlan i, MNDAA caah a sang cem mi laksawng kan pek hna a si ko tiah Kachin nunphung le zatlang bu lei  nih an chim tiah theih a si.

About The Author

Na ruahning rak langhter ve.. (Leave a comment)

%d bloggers like this: