Monywa ah a kut hrihren in an thahmi nu ruak an hmuh
The Chinland Post | 2022 September 23 – Sagaing ramṭhen, Monywa peng khua kulhnak lam cungah a kut hrihren in an thahmi hnu pakhat ruak cu September 23 ah an hmuh tiah Myanmar ram mipi bawmtu phu nih an thanh.
Khuami hna thawngpeknak in an va zoh tikah kum 20 hrawng nu pakhat a kut hrihren in salaaih chung an khumh hnuah an khanghmi dirhmun kha kan hmuh tiah a ruak a phortu Monywa mipi bawmtu phu nih an chim.
“A ruak kha datsi an toih i an khangh, datsi haw zong kan theih. Nizaan ruah a sur caah a kaang dih lo. A mui zong kan i chinchiah kho lo. Kum 20 hrawng a lo. Khoika mi a si zong kan thei rih lo” tiah Myanmar ram mipi bawmtu phu nih BBC ah an chim.
Monywa ah a tu bantuk in an thahmi ruak pawl an hmuh hna hi August le September chungah ruak 15 nak tlawm lo a si cang tiah Monywa mipi bawmtu phu nih an chim.
Cu leng ah, Monywa khua ah a hlan nakin fir le thilchuhnak hna a karh chin tiah theih a si.
About The Author
