Monywa Kah-Ngyah-Nah Zung Ah Hmunhma A Khuar Mi SAC Ralkap Pawl PDF Phu 9 Fonh Nih An Kah Hna
The Chinland Post | 2023 June 28 — Sagaing ramṭhen, Monywa khua ah a um mi Kah-Ngyah-Nah zung ah hmunhma a khuar mi SAC ralkap pawl cu PDF phu 9 fonh nih an kah hna i a thi mi zong an tam tiah Chindwin Attack Force nih an thanh.
June 24 zaanlei sml 6:00pm hrawng ah SAC ralkap pawl cu PDF phu 9 fonh nih an va kah hna hi a si.
Kahdohnak chung ah SAC lei 15 an thi i hmundang in SAC ralkap tampi bawmh ding in an rat caah sakhaan la kho lo in an kir ṭhan tiah theih a si.
Monywa The Boys, Monywa pengkomh B05, B07, B12, B22, B25, B28, Yinmarbin pengkomh B28 le MRDA hna bawm in kahdohnak an tuah theih an langhter.
Kahdohnak chung ah a sung tuk mi SAC ralkap pawl nih mawṭaw dinhnak tual hnulei ah a um mi inn 2 le Kun (ကွမ်း) dum an khangh tiah theihternak an tuah.
About The Author
