Myaing le Pakokku Gate Bom An Puah Hnawh Hna, A Thi Mi An Tam
The Chinland Post | 2023 March 31 — Magway ramṭhen, Myaing peng le Pakokku peng ah a um mi SAC ralkap gate le mawṭaw pawl bom an puah hnawh hna i SAC lei in a thi mi an tam tiah Myaing PDF nih a thanh.
March 30 zinglei sml 9:19 ah Myaing khua, Seinlansoepyi zung hmai ah mipi tangka a hal mi SAC ralkap le palek pawl cu Myaing PDF, Captain Lin Mwe hruai mi Nantha Myaing phufonh nih an kah hna i ralkap 2 cu ṭha tein an khen hna, SAC lei nih hriamngan in an rak kah ve hna caah an kir ṭhan tiah theih a si.
Cubantuk in March 30 zinglei sml 9:30am hrawng ah Gangaw peng in Pakokku peng ah a ṭum mi SAC ralkap mawṭaw le Light Truck pawl cu Kandaw khuate le Gyitpin khuate karlak ah bom an puah hnawh hna i a thi mi an um ko nain a zat a fiang in theih a si rih lo tiah Myaing PDF nih an thanh.
About The Author
