Myaing le Yedashe ah SAC ralkap bom an puah hnawh hna i 4 an thi
The Chinland Post | 2023 February 8 — Magway ramṭhen, Myaing peng Kaidaw palek sakhaan in a rak kir mi SAC ralkap pawl bom an puah hnawh hna i 2 an thi tiah Captain Linkya sin in thawng theih a si.
February 7 chun sml 2:00pm luan hrawng ah Kwekone khua le Watpoh khua karlak ah SAC ralkap pawl bomrap lung 2 in an puah hnawh hna i SAC ralkap 2 an thi, 3 cu an thi le hnai he an zaam tiah Captain Linkya nih Khit Thit ah a chim.
Tutan bom puah hnawh nak hi Myaing PDF B01, Bamahti, Zarmani le Kwe PDF phufonh hna nih an tuah tiah theih a si.
Cu bantuk in Yedashe peng ah SAC ralkap bom an puah hnawh hna i SAC ralkap 2 an thi tiah Bago region PDF nih an chim.
February 6 zaanlei sml 7:00pm hrawng ah Yedashe peng, Sipai khua lei ah SAC ralkap pawl an cawlcang tiah thawng an theih caah mipi hriamtlai phu pawl nih bom an puah hnawh hna i 2 an thi i 2 fak pi in an i hliam tiah thawng theih a si.
About The Author
