Myaing Peng Ah Bomrap A Thianh Mi SAC Ralkap An Doh Hna, 8 An Thi
The Chinland Post | 2023 August 8 — Magway ramṭhen, Myaing peng ah bomrap a thianh lio mi SAC ralkap pawl an doh hna i SAC ralkap le pyusawthi 8 an thi tiah Myaing PDF nih thawng a thanh.
August 7 chun sml 12:00pm hrawng ah Pakokku-Kanma-Mindat lamcung hmunkhat ah SAC ralkap mawṭaw pawl an kal lai tiah thawngpang an theih caah Myaing PDF phufonh nih an bawh hna i bomrap thianh ding in a rak phan taktak mi SAC ralkap le pyusawthi pawl cu bomrap voi 4 an puah hnawh hna caah pyusawthi 5 le ralkap 3 an hmun ah an thi tiah theih a si.
Cunbantuk in bomrap puahhnawhnak cu Myaing PDF B01 C05, Black Cobra phu hna bawm in an tuah tiah theih a si.
About The Author
