Myanmar Ram Ah Hngakchia 5 Million Leng Bawmhnak An Herh
The Chinland Post | 2023 June 16 — Myanmar ram ah hngakchia 5.8 million leng nih bawmhnak an herh tiah June 13 New York khua ah a um mi UN Headquarters ah an tuah mi UNICEF Excutive Board Annual Meeting ah UN Representative U Kyaw Moe Htun nih a chim.
Myanmar ram ah a um mi hngakchia cheukhat cu chikhat i dornak ralzaam buk, bom khor hna ah ca an cawng i kum 2 chung ah hngakchia 3.7 million hrawng sianginn kai kho lo le cacawng kho lo in an um tiah a chim.
June 12 ah a si mi World Day Against Child Labor Ni ah International Labor Organization (ILO) nih Myanmar ram ah hngakchia 1 million leng nih rianhrang an ṭuan i ramkhel buainak, zatlang nun, sipuazi lei buainak pawl nih hngakchia rianṭuan mi a tam ter chin hna bantuk in sifak chungkhar i hngakchia pawl nih harnak an tuar khun caah hngakchia zohkhenhnak hi a hlan nak in kan i zuam chin a herh tiah a chim.
About The Author
