Myanmar ram ah hramhram in uknak lak a si hnu ah a thimi cazin Yangon American Embassy nih a thanh
The Chinland Post | 2022 June 23 – Myanmar ram ah 2021 February 1 in SAC nih hramhram in uknak a lak hnu ah thah a tongmi 2,000 hrawng an um i cu bantuk mipi caah kan ngaihchia tiah American Embassy Facebook cahmai ah langhter a si.
Assistance Association for Political Prisoners (AAPP) thahmi cazin ning ahcun ralkap nih hramhram in uknak a lak hnu thok in 2022 May thla dongh tiang Democracy ngahnak hnga a cawlcangmi le mipi a thimi cazin kha America Embassy nih a langhter chin.
Ralkap nih a thlituahmi sualnak cungah an in ṭhannak hnga American cozah nih a hnek peng rih ko lai tiah Embassy Facebook cahmai ah langhter a si.
SAC nih cun AAPP nih a thanhmi cazin hi a hleihluat tuk in kamkhat lei lawng in a khawmhmi a si tiah a chim tawn. PDF ruangah mipi a thimi an tam tiah thawng a zamh tawn.
AAPP nih a thanhmi cazin hi hramhram in uknak lak a si hnu ah thah a tongmi SAC nih a thahmi cazin lawng a si.
Myanmar Institude for Peace and Security (MIPS) bantuk a dang phu nih khawmhmi PDF le a dang phu pawl nih thahmi cazin aa tel hrim lo.
Norway, France le EU Embassy hna nih hramhram in uknak lak a si hnu ah a thimi 2,000 caah an facebook profile ah a nakmi an tar.
About The Author
