Myanmar ram buainak ASEAN nih a tawlrel khawh lo ahcun MOGE a ziizut a si lai: Senator McConnell

The Chinland Post | 2022 August 4 – Myanmar ram buainak ASEAN nih a tawlrel mi hmual a ngeih lo a si ahcun Energy chuahnak rian telh in ralkap tangka luhnak lam pawl American cozah nih phihkharnak tuah ding in Minority Leader of the United States Senate Mitch McConnell nih forhfialnak a tuah.

ASEAN he tonnak a ngei ding mi United States Secretary of State Antony Blinken nih Myanmar a pawngkam ram le ASEAN nih an bawmh duh lo ahcun American cozah nih SAC pressure peknak caah tangka lei phihnak a tuah hau lai tiah a chim.

Cu chungah Myanmar ram zinan le gas rianṭuannak cungah phihkharnak a telh chih hau lai tiah forhfialnak a ngei. Cun Russia ramdang lei Minister SAC he tonnak a ngeihmi cung zongah McConnell nih a thangchiat. Hramhram thiltuahtu pahnih tonnak a si tiah a chim fawn.

Na ruahning rak langhter ve.. (Leave a comment)

%d bloggers like this: