June 17, 2024

Myanmar Ram Chung Pengkip Um Ralkap Pension Minung 2,000 Hrawng Naypitaw Ah Auh In Taungdwingyi Khua Ah Ralkap Training An Pek Hna I Ralram An Kal Ter Hna Lai

0

The Chinland Post | February 7, 2024 — SAC ralhrang nih Myanmar ramchung ramkulh, ramthen hmun kip, peng kip ralkap pension cia minung 2,000 hrawng cu Naypitaw ah an auh hna i Taungtwingyi khua ah training zarhhnih kai ter hna hnu ah ralram ah kal ter an timh hna tiah Naypitaw um ralkap lei thawng petu nih an chim tiah Yangon Khit Thit Media sin in theih a si.

Naypitaw telh in Myanmar ramchung peng kip um ralkap bawi in ralkap sawhsawh tiang pension la cia minung 2,000 hrawng an auh cang hna.

An auh mi ralkap pension pawl cu raldo ding an si.  Naypitaw hmun chung a um mi peng, sang in khuakip pyituhsit bu dirh ding in min cazin an lak lio a si, Innchungkhar cazin le milu laknak an tuah, me zuh in pyituhsit ralkap an lak lio hna a si tiah theih a si.

Photo- 2028 kum Naypitaw ralkap pension pawl Conference an kai lio hmantlak

About The Author

Na ruahning rak langhter ve.. (Leave a comment)