Myanmar ram he pehtlai in UN Special Envoy hmunhma hnawh ding in Burma Campaign UK phu nih a forhfial
The Chinland Post | 2022 August 19 – UN General Secretary nih Myanmar ram he pehtlai in UN Special Envoy hmunhma hnawhnak ah amah pumpak in a teltum ding a si tiah Britain hrambunh Burma Campaign UK phu nih August 18 ah a thanh.
Myanmar ram he pehtlai in UN Special Envoy Ms Noeleen Heyzer nih SAC a tonnak cu a phichuak a um lo, mah zong hi a luancia kum 10 chungah UN nih Myanmar ram a tlawnnak in a phichuak ṭha a um bal lo caah khuaruahhar cu a si theng lo tiah Burma Campaign for UK nih a chim.
Culengah, atutan a khualtlawnnak nih SAC kha phungning tein cohlannak a chuahter kho tiah rialrin peknak a um ko nain Ms Noeleen Heyzer nih zeirel loin SAC hruaitu General Min Aung Hliang a va ton chih. An i tonnak pawl zong SAC nih a tlaihmi media pawl nih an langhter.
A luancia 2010 hlan ah UN Special Envoy for Myanmar cu Daw Aung San Suu Gyi telh in adang pawl he tonnak an rak ngei ko nain Ms Noeleen Heyzer aa rak tel lo.
Cubantuk in Myanmar ramkhel lei rianṭuantu pawl he adang tein tonnak an ngeihmi cungah SAC nih a duh lo i tlaihkhih/thongthlaknak pawl hna a tuah chin tiah Burma Campaign UK nih a chim.
About The Author
