Myawaddy Hrambunh SAC Ralkap Bomthlaknak Ah Ralbawi 2 An Thi
The Chinland Post | 2023 July 11 — Karen ram, Myawaddy hrambunh Infantry 275 cu July 11 ah mawngtu ngei lo vanlawng in a voikhatnak bik bom an thlak hnawh hna i SAC lei Major 1, Captain 1 an thi i adang aa hliam mi zong an um len tiah Ayeyarwaddy Times nih a langhter.
Karen ram, Myawaddy hrambunh Infantry 275 hi khuate lei ah 120MM hriamngan a kap zungzal mi Battalion an si tiah theih a si.
SAC ralkap pawl cu a luancia July 5 thawk in Seinlaymyaing hmunhma ah an luh caah KNU, KNLA, PDF, Cobra Column phu hna he kahdohnak a chuak tiah theih a si.