Nattalin Ah SAC Ralkap Pawl Bomrap An Puah Hnawh Hna I 6 An Thi
The Chinland Post | 2023 October 18 — Bago ramṭhen, Nattalin peng ah SAC ralkap pawl bomrap an puah hnawh hna i Sniper in an kah chap hna caah 6 an thi tiah Phonex D F nih thawng an thanh.
October 17 zinglei sml 8:22am hrawng ah Nattalin peng, Thapaybin in a rak chuak mi SAC ralkap 40 hrawng cu bomrap an puah hnawh hna i 2 an thi, tampi an i hliam. SAC ralkap pawl nih a pawngkam ah um mi minung pawl kha khamnak hmang in bomrap kual cu an rak lonh tiah theih a si.
Bomrap kual an rak lonh hnu chun sml 12:00pm hrawng ah, Nyeinlaybo-te kone an phak ah PDF pawl nih Sniper in an kah hna caah SAC ralkap 1 a thi. Cu SAC ralkap pawl Sangyi khua an phak ah bomrap an puah hnawh ṭhan hna i SAC ralkap 3 an thi chap, tampi hliam an tuar tiah Phoenex D F thawngthanhnak in theih a si.
About The Author
