Ngaknu Nih Thim Sual Lo Ding Tlangval
The Chinland Post| 2018 Marcdh 18| Ngaknu nih thim sual lo ding tlangval kong kan hun langhter. Mi cheukhat caah bawmtu le ralrinnak an ngeihtertu cabia a si kho. A tanglei ah phun 5 in kan hun langhter.
1. Timhmi A Ngeih Lo Pin Ah A Sifaak Tukmi Pa
Hawi dang cio bantukin sifah sawhsawh kha chim duhmi a si lo. Santlaih lo tuk kha chim duhmi cu a si. Sifah cu vanchiat ruang ah a si ti lawng an chim i, cu sifahnak khurchung in chuah aa zuam lomi an um tawn. Sifakmi si nakin a poi deuhmi cu sifahnak in chuah i timh lo kha a si deuh. Cu bantuk minung cu hrial ah an tha. Anmah bantuk minung aa thimmi nih zeidah an ton ti kha na pawngkam ah zoh law fimnak i laak.
2. Mi Lungngan, Mi Uah, Zomhtaih A Hmangmi Pa
Mah bantuk pa cu a lungput a picalmi an si lo. Hi bantuk lungthin a chuahtertu hi fimthiamnak cham-bau deuhmi khi an rak si. An inn vampang ah buaih (degree) lehhmah khat thup in aa taarmi pa zong lungpuam thlorh a hmangmi um a si tawn. Buaih a ngahmi paoh a fimmi an si thlu lo kha i ralring biapi.
3. A Hrutmi, Mi Lungkhat A Phur I A Ralchiami
Pasal/va ca ding ah aa tlak lo takmi an si. Cu bantuk pa cu an nupile pa dang nih an chawnh deuh hna hmanh ah thinhung theomi an si tawn. Phaisa tawlrel lei zong ah bochan tlak a si lo phun khi an si. Mi mithmai zoh thiam lo in capo zong hngal lomi mihmai ah mualphoh hmang theomi zong an si.
4. A Hleihluat In Din-Ei A Hmangmi Pa
Pa tampi cu din-ei a hmangmi an si. Pa cheukhat cu zuu dawr an thut hnu cun an tawk ah lungtum thlaihmi ko khi an lo cang. Sawn ngelngul in aa chawk i mi volhpamh a hmangmi zong an um rih. Cu bantuk pa nih hnangam tein a ka chiah lai i a ka cawm khawh lai tiah i ruahchan lai ci!
5. Nuamhnak A Zuldawi Tukmi Pa
Nuamhnak nih zeidah a huap ti cu careltu nih i fian a si cio ko lai. Nuamh-hnaih a duh tukmi pa cu, phaisa an liauheu i puanchia tlek he a vaak tuanmi an um tawn. Chan thar zawtnak a neimi zong an tampi.
Ref: Chin Digest| Vol.2, No.4 | 2016 August|
About The Author
