Ngaphe khua ah an thahmi Lai nu 2 caah ICNCC nih an Ngaihchiatnak an langhter

The Chinland Post | 2022 October 13 – Magway ramṭhen, Ngaphe peng chungah an thahmi Lai nu 2 hna he pehtlai in ICNCC nih an ngaihchiatnak cu October 12 ah an langhter.

Ngaphe peng, Bungbaw khua Lai nu 2 a si mi Mai Hnawng Pa Hla (kum 17, taang 7) le Mai Shwe Sin Ye (kum 21, KG sayamah) hna cu October 6 ah Kaukgyi khua an kal lioah an rak tlau.

October 9 ah Bungbaw khua in meng 5 a hlatnak Maylat khua pawng ah an hnawng le an ṭang ah namte hma tampi in an thih kha an rak hmuh hna.

Cu bantuk in Lai nu pahnih fak tuk in an thahmi hna kong he pehtlai in ICNCC nih tantak mi chungkhar zong kan ngaihchiat pi hna tiah a langhter.

Cu thil sinning kong he pehtlai in sualnak a tuahtu pawl tlaih khawh ding in aa zuam mi phu pawl cu nan herh zat in kan i bawmh hna lai tiah an ṭial.

Na ruahning rak langhter ve.. (Leave a comment)

%d bloggers like this: