Ni 2 Chung Moebye le Pekon Kahdohnak Ah PDF Chungtel 6 An Nunnak A Liam

0

The Chinland Post | 2023 June 13 — Kahdoh a fahnak Shan-Kayah ramri, Moebye le Pekon kahdohnak ah PDF chungtel 6 an nunnak a liam tiah MBPDF nih an thanh.

Moebye khuachung ah thazang tampi in a rak lut mi SAC ralkap le PDF phufonh hna karlak ah a luancia June 11 thawk in kahdohnak a fak tiah theih a si.

SAC ralkap lei nih hriamngan bawm in kahdohnak fak pi an tuah caah MBPDF hriamtlai 1, KNDF B03 hriamtlai 2 le URF hriamtlai 1 an nunnak a liam tiah MBPDF nih an langhter.

SAC lei in 20 nak tlawm lo an thi kho tiah MBPDF nih an ruahdamh.

Shan ram thlanglei, Pekon peng chung, Kaungih zong ah June 10 ah kahdohnak a chuak i Moebye PDF 2 in hriamtlai 2 hriamngan nih a khen hna caah an nunnak a liam tiah theih a si.

Na ruahning rak langhter ve.. (Leave a comment)

%d bloggers like this: