Nunchung Thongtlak Ding le Thihdan Pek Mi Thla 6 Chung Ah 90 An Lonh
The Chinland Post | 2024 January 11 — 2023 July in December 6 tiang ah nunchung thongtlak ding le thihdan pek mi minung 90 an lonh cang tiah Assistance Association for Political Prisoners (AAPP) cazin in theih a si.
Myanmar ramchung ralkap kuttang tazacuainak zung nih pohma a phunphun in thongthlak mi chung ah nu 139 le pa 564 tiah an zapi 703 an um i Sagaing ramṭhen ah minung 504 in a tam bik an um.
Cu minung 703 chung ah nunchung thongtlak ding in biakhiah mi 68, thihdan pek mi 22, nunchung thongtlak ding le thihdan a pahnih in pek mi 2 an i tel.
Myanmar ram ah hramhram in uknak lak hnu kum 3 chung ah ralkap phu nih sualnak ngei lo mipi 4,330 leng an thah cang hna i tlaih a tong mi 25,791 an phan tiah AAPP nih a thanh.
Atu cazin hi 2021 February 1 in 2024 January 10 tiang AAPP nih a khawmhsuat khawh mi a si i a tak dirhmun ah an tam deuh kho tiah an langhter.
Pau dothlennak chung, tuni tiang ah minung 19,911 an tlaih/hren hna i cu chung ah 8,468 hi thongthlak ding in biakhiah an si.
Atutiang biakamnak he thlah ṭhan mi minung 5,880 an um cang.