Nyaung U ah nu 10 leng PDF nan bawmh hna tiah an tlaih hna i an tlaihhrem beh hna
The Chinland Post | 2023 January 20 — Mandalay ramṭhen, Nyaung U peng ah kum 20 hrawng a si mi nu 10 leng cu PDF nan bawmh hna tiah an tlaih hna i biahalnak (စစ်ကြောရေး) ah biahaltu ralbawi pawl nih an tlaihhrem beh hna tiah Khit Thit nih a langhter.
Tlaih a tong mi nu pawl a tlaihhremtu hna chung ah Nyaung U peng ralbawi Naw Min Latt, Captain Myo Nyi le Ṭin Htun hna an i tel tiah theih a si.
“Siangcachim, NGO ah rian a ṭuan lio mi unu nu 3 cu a luancia zarh chung ah PDF nan bawmh hna tiah an tlaih hna. Eidin dawr ngei pa fanu zong an tlaih i 505 (A) in thong kum 3 tla ding in sual an phawt. An zapi te cun an min kan thei kho hna lo. Tlaih a tong mi hna nu pawl hi an tlaihhrem beh hna” tiah Bagan Pyi PDF phu rianngeitu nih Khit Thit ah a chim.
About The Author
