Operation 1027 A Ni 8 Nak Zinglei Ah TNLA Nih Sakhaan 4 An Lak Chap
The Chinland Post | 2023 November 3 — Operation 1027 a ni 8 nak zinglei ah TNLA nih Manton palek sakhaan, pyithusit sakhaan le Nawnghkio i Kunkha sakhaan pawl an lak khawh tiah thawng an thanh.
Operation 1027 min in TNLA Brigade 3 hmunhma, Manton khua ah palek, ralkap le pyithusit hna an i fonhnak sakhaan hna cu TNLA nih tuzing (November 5) zinglei ah an va lak i sakhaan an thianh beh.
TNLA Brigade 2 hmunhma Nawnghkio peng, ralkap Kunkha sakhaan zong November 3 zinglei sml 4:00am ah an lak ve.
Brigade 1 hmunhma, Namhkham khua le Manwinggyi a pehtlaih tertu Shweli hri hlei ah a um mi sakhaan zong TNLA nih tuzing sml 6:55am ah an kah i an lak chap fawn.
Kahdohnak chung ah ralkap sin in meithal zuun 4, 60MM bom lung 30, RPG kuan 8, Grenade 50, kuan tampi le kahdohnak thilri tampi an lak khawh i ralkap lei nih Jet Fighter 3 in bom a rak thlak tiah theih a si.
TNLA Brigade 2 hmunhma Nawnghkio peng, Khohu khua ah kahdohnak um lo pi in ralkap nih Jet Fighter in 500lb a rit mi bom cu zaanṭim sml 12:00am ah a rak thlak caah mipi inn 3 a rawk tiah TNLA nih an thanh.
Cun Brigade 1 hmunhma Namhkham peng ah a um mi Lwai-in khua zong ah kahdohnak um lo pi in ralkap nih tuzing ah hriamngan a kah caah hngakchia 1 a khen, phungki sianginn zong a khen tiah TNLA nih a chim.
About The Author
