Operation 1027 Hi Zeidah A Si- SAC Cu Mizei Nih An Doh?
The Chinlandpost | October 28, 2023 —
Operation An Tuahnak Hmun- Northern Shan State
October 10 thla, 27 ni ah thawk mi kahdohnak a si caah operation 1027 ti a si.
Chin-shwe-haw, Ho-pan, Kuan-lung, Mone-koe , Lashio, Thein-di, Nant-kyuan tiah hmun 7 cu October 27 ni ah kah hram an thawk.
Kokang lei thawngthanhnak nih cun Chin-shwe-haw hlei, Ho-pan hmunhma Chun-hup khua, Kuan-lung, Mone-koe le Lashio khua ah a um mi SAC ralkap sakhaan tampi cu an lak khawh i Mone-koe pengkomh Shi-gyi-kya tlang, Kokang pengkomh Shan-wan hmunhma Shauk-tin-pa khua, Kokang pengkomh Shi-shan hmunhma Kan-wan-htan khua le Khu-ma khua, Chin-shwe-haw hmunhma Nan-pha-shan tlang ah a um mi SAC ralkap sakhaan pawl zong ah pehzulh in kahdohnak an tuah khawh.
Unau Hawikom Phu 3 Min Le Thazang
Arakan Army (AA) thazang 30,000 + telh in unau hawikom phu a si mi Myanmar National Democratic Alliance Army (MNDAA) thazang 7,000 +, Ta’ang National Liberation Army (TNLA) thazang 8,000 +hna nih SAC ralkap sakhaan 10 an lak khawh i hriam tampi zong an lak khawh tiah The Kokang nih a langhter.
SAC le Unau Hawikom Pawl Kahnak
SAC lei ah North East Command ralkap pawl, Kokang Pyithuhsit, SAC Police phu hna hi Unau hawikom phu (AA, TNLA, MNDAA) nih an doh hna a si.
Unau Hawikom phu Timhmi
Mipi nunnak, Inn le lo thilri humhimnak le zohkhenhding
Mah le pumpak ralven khawhding
Mah umnak khua cu tulio dirhmunnak in uknak tuah khawhding
Shan ram thlanglei ah a um mi SAC ralkap pawl hrawh cikcek ding,
Laukkai peng ah online in mihlen a hmang mi pawl le mi hrawkhrawl pawl hrawh cikcek ding,
online in mi hlen hmang Company pawl a hnulei in a dirkamh tu pawl an thazang a ṭhawn chin nakhnga lo kham ding,
Zeiruang Ah Kokang Le Laukai Hi A Biapit
Ramri chawlehnak khua – Chin-shwe-haw
Tuluk-Myanmar pahnihnak a lian cemmi chawlehnak hmun a si. 2023 kum April-September thla 6 chung ah US Dollar 630 million lutnak hmun a si.
Papek uknak a ngei mi hmun Laukai khua-2008 kum Myanmar ram constitution & bylaw bantuk in papek uknak nawl a ngei mi hmun a si.
Laukai hi 5 star Hotel pawl umnak hmun a si. Thangka thaap I lentecelhnak a tuahtu Kokang USDP party le Pyituhsit nih tangka tampi an hmuhnak hmun a si. Online mihlennak hmun riantuan mi pawl umnak a si.
Laokai khua
- 1989 – Burma ram communist (ba-kah-phah) bu in chuah in Kokang ralkap dirtu U Phone Kyar Sin nih an dirh,
- 1989- Na-wa-tah cozah he remdaihnak an tuah,
- 2009- Ralkap cozah nih ramri hngak ralkap rian an pek, Kaphnih kahdohnak a chuak than i U Phone Kyar Sin a sung ruang ah Laukkai khua an chuah tak,
- 2010- Kokang bu 2 an I ṭhen, Kakong hruaitu cheukhat cu kawl ralkap cozah nih lemsoinak a tuah hnu in Laukai khua cu ramri hngak tu nih an zohkhenh,
- 2015- Laukai lak than dingi n U Phone Kyar Sin hruai mi MNDAA nih kahdohnak a tuah than,
- 2023- MNDAA le unau hawikom phu nih kahdohnak an tuah.
About The Author
