Pakokku ah mi a check mi SAC ralkap pawl Drone in an doh hna, 3 an thi i meithal 1 an lak khawh
The Chinland Post | 2023 January 16 – Magway ramṭhen, Pakokku peng, Kandaw khua pawng January 13 zaanlei sml 4:00pm hrawng ah mipi a check lio mi SAC ralkap pawl Drone in bom an thlak hnawh hna tiah Myaing-PDF B01 sin in thawng theih a si.
Kandaw khua pawng i aa chawk mi mipi pawl zohfelnak a tuahtu SAC ralkap 20 hrawng cu Drone in bom lung 10 an thlak hnawh hna caah ralkap 3 an thi, 4 an i hliam tiah theih a si.
Drone in an doh dih hnu, hmunhma zohfelnak an ngeih lio ah MA-1 zuunkhat le kuan 25 an lak khawh tiah Myaing PDF sin in thawg theih a si.
About The Author
