Pakokku, Inpin Khua Kahdohnak Ah SAC Ralkap 2 An Thi
The Chinland Post | 2023 June 9 — Magway ramṭhen, Pakokku peng, Inpin khua ah a um mi SAC ralkap gate kahdohnak ah SAC ralkap 2 an thi tiah Myaing PDF nih an thanh.
June 8 chun sml 1:00pm hrawng ah Pakokku peng, Inpin khua ah a um mi SAC ralkap gate cu PDF phufonh pawl nih an kah hna i SAC ralkap 2 an thi, 3 an i hliam tiah theih a si.
PDF phufonh pawl nih vawlei lei in an doh hna lio ah Earthquake PDF (Drone Team) nih bom an thlak hnawh hna caah ralkap 2 an thi, 3 an i hliam i mipi hriamtlai phufonh lei him tein an kir kho tiah theih a si.
Kahdohnak chung ah Earthquake PDF, M.Y.G.P.DF. B02 Company 1 le Middle Revolution Task Force – MRTF hna bawm in kahdohnak an tuah hi a si tiah theih a si.
