June 21, 2024

Paletwa ah nihnih chung kahdohnak a chuak, SAC ralk 13 an thi

0

The Chinland Post | 2023 March 10 — Chin ramkulh, Paletwa peng ah SAC ralkap pawl nihnih chung an kah hna i 13 an thi tiah CDF-Paletwa nih a thanh.

Matupi peng, Theboi khua sakhaan ah thazang a rak chap mi SAC ralkap pawl cu March 8 le 9 ah an kah hna hi a si.

March 9 ah Lailenlpi khua in Matupi peng Thaeboi sakhaan ah thazang a chap mi SAC ralkap pawl cu CDF-Paletwa, CNA nih zinglei sml 10:54 – 11:41am karlak le chun sml 12:20pm – 12:40pm karlak, Kikankone khuate le Sakhiha khuate karlak lakhi tiva pawng ah an kah hna tiah an thanh.

Kahdohnak chung ah SAC ralkap 8 an thi, 15 an i hliam i mipi hriamtlai phu lei him tein an kir kho tiah theih a si.

March 8 chun zong ah cu SAC ralkap pawl kha Kikankone khuate le Sakhiha khuate karlah ah an rak kah cang hna i 5 an rak thi.

About The Author

Na ruahning rak langhter ve.. (Leave a comment)