Paletwa-Kyaukdaw lam an awn ṭhan cang, thilri cheukhat phorhnak nawl ri an khiah rih
The Chinland Post | 2022 August 19 – SAC nih August 1 in kal-umnak nawl a phihmi Paletwa-Kyaukdaw ti lam cu umkal khawh ṭhan a si cang tiah theih a si.
Cu ti lam cu August 18 thok in tinbaw pawl a kal kho cang nain pumpak ngeihmi tilawng um-kalnak cu rikhiah rih a si tiah khuami nih Western News ah an chim.
“Nizaan thok in tinbaw a kal cang. Nain tilawng pawl bel kal a ngah rih lo. A hlan ahcun zarhkhat ah voikhat a umkal kho. Atu hi zeitin a si te hnga kan thei rih lo” tiah a chim.
Eidin cheukhat phorh a ngah cang ko nain facang telh in thilri cheukhat cu phorh a ngah rih lo tiah theih a si.
Eidin le thilri an phorhnak a biapi bik lam a simi Kyaukdaw-Paletwa ti lam cu SAC nih zarhhnih leng a phih caah thilman a kai i thilri hna an dih manh.
A biapi in facang le chiti man a kai i facang tun 1 ah sing khat deng a phan i Datsi/Diesel 1 litre ah 7,500 tiang a kai.
Paletwa ah SAC ralkap le AA karlak ah kahdohnak a fah caah ti lam hi SAC hi a phihnak a si tiah theih a si.
About The Author
