Paletwa Peng Khuami Pathum Kum 3 Cio Thongthlak Ding In Bia An Chahpiak Hna

Salai CungCung|2019 April 11| Chin ramkulh Paletwa peng Shin Let-wa khua in hriamtlai he i pehtlaihnak nan ngei tiruangah  upadi poh-mah 17 (1) (2) in tlaih mi hna khuami minung pathum cu April 10 Paletwa biaceih zung ah thong kum 3 cio thlak ding bia an chah piak hna.

A tubantuk in sual an phawt mi hna cu; Shin Let-wa khuami U Tha Htun (kum 47), Mg Zaw Min Htet (kum 25), le U Htun Aye (kum 30) an si.

“An tlaih hna nak hi thlathum hrawng a si cang nain voikhat hmanh kan tong kho hna lo. A tu zong hi biaceih zung ah a dih dongh tiang biaceih an si lai tiah kan theih ruang ah ka va kal, biaceih zung zong luhnak nawl kan ngei lo. Minute 10 hnu lawng ah thong kum 3 cio thlak ding an si tiah kan theih. An um nak ah kan va ton hna i an rak velh hnanak hliamhma pawl a rak dam rih lo caah sii-ai pawl pek ding ah palek zung tuanvo ngeitu kan va nawl hna i rawl pek pah in sii-ai cu kan pek hna”  tiah U Htun Aye a nupi nih a chim.

Hi minung pathum cu nahchuahtu pawl nih AA he pehtlaihnak an ngei tiin kawl ralkap sin ah lih in thawng an pek hna caah an tlaih mi hna an si tiah chungkhar lei nih a chim.

Ref. Narinjara

Leave a Commnet

%d bloggers like this: