Paletwa Peng, Ta-ron-ai Tlang Sakhaan AA Nih An Lak
The Chinland Post | 2023 December 6 — Chin ramkulh thlanglei, Paletwa peng ah a um mi ralkap Ta-ron-ai byuha sakhaan cu December 4 ah tlamtling tein an lak khawh cang tiah AA nih a thanh.
November 14 zinglei sml 6:00am thawk in kahdohnak an thawk i ni 21 a rauh hnu December 4 chun sml 1:04pm ah tlamtling tein an lak khawh tiah December 5 ah AA nih thawngthanhnak a tuah.
Kahdohnak chung ah ralkap vanlei kahdohnak, hriamngan kahdohnak, Chemical Warfare Agents aa tel mi bom pawl in ralkap lei nih chun, zaan an kah lengmang bu ah sakhaan an lak khawh hi a si i ralkap ruak, hriam le kuanzen pawl tampi zong an lak khawh tiah an langhter.
Cun AA nih a tang mi Nung-bu byuha sakhaan zong la kho ding in an i zuam cuahmah lio a si tiah theih a si.
T-ron-ai sakhaan lak kahdohnak chung ah Chin hriamtlai phu a si mi MDF zong aa tel ve tiah theih a si.
About The Author
