Pangpar Aa Tonh Mi Nu 100 Leng SAC Ralkap Nih An Tlaih Hna

0

The Chinland Post | 2023 June 20 — Yangon, Mandalay, Kalaymyo telh in pangpar aa tonh mi nu, a caw mi, pangpar aa put mi nu pawl cu SAC ralkap nih pangpar tonh in duhlonak langhternak ah nan i tel tiah an tlaih hna tiah theih a si.

June 19 zinglei ah Hliangthaya peng, Seh-hmuh-zone 1 in pangpar aa tonh mi rianṭuantu pawl, pangpar a caw mi pawl, hninsi par aa tonh mi pawl cu SAC ralkap le khuabawi nih an tlaih hna i Article 505 in taza an cuai hna tiah theih a si.

Cun Sagaing ramṭhen, Kalay peng ah pangpar aa tonh mi le pangpar a zuar mi 20 hrawng SAC ralkap nih an tlaih ve hna i khuachung ah hninsi par aa put mi mino cheukhat zong an tlaih hna tiah theih a si.

Yangon khua, Kamayut peng zong ah pangpar aa tonh mi, pangpar aa put mi, pangpar a caw mi 20 hrawng an tlaih hna tiah theih a si.

Cun pangpar tonh in online cung ah duhlonak a langhter mi pawl zong SAC leiṭang Telegram phu nih an tlaihter hna i 15 nak tlawm lo an tlaih hna tiah theih a si.

Cun zaanlei sml 3:00pm hrawng zong ah Yangon khuachung zong ah nu 20 hrawng an tlaih hna tiah theih a si.

About The Author

Na ruahning rak langhter ve.. (Leave a comment)

%d bloggers like this: