Papun pengkomh zarhhnih chungah kahdohnak voi 50 leng a chuak, SAC ralkap 40 leng an thi
The Chinland Post | 2022 August 19 – Karen National Union (KNU) tlaihnak hmunhma a simi Papun pengkomh ah zarhnih chungah kahdohnak voi 53 a chuak tiah KNU battalion 5 nih August 17 ah a thanh.
August 1-15 tiang SAC ralkap, BGF le KNLA phufonh karlak ah kahdohnak voi 53 a chuak i SAC ralkap 43 an thi, 17 an i hliam tiah a chim.
Zarhhnih chungah KNLA hriamtlai pakhat a nunnak a liam tiah a langhter.
SAC ralkap le BGF nih khuate le lei lak ah hriamngan in a kah ruangah mipi 2 an i hliam tiah KNU battalion 5 nih a langhter.
KNU cathanh ning ah, battalion 5 hmunhma a simi Papun hi kahdoh a fah biknak le a tam biknak hmunhma a si bantukin July thla 1 chungah kahdohnak voi 110 a chuak tiah a chim.
KNU tlaihnak hmunhma ah ralzaam 356,674 an um i cu chungah Papun pengkomh ah ralzaam 96,180 an um tiah KNU nih August 16 ah a thanh.
About The Author
