Pauk peng Zeepyar khua ah pyusawhtee 27 nih mipi lei an i fonh

The Chinland Post | 2022 October 10 – Magway ramṭhen, Pauk peng, Zeepyar khua in pyusawhtee 27 cu mipi hriamtlai phu sin ah an i fonh tiah PDF Myaing sin in thawng theih a si.

Pauk peng, Zeepyar khua pyusawhtee 15 le nu 12 cu October 8 ah PDF-Myaing sin ah an i fonh i ralzaam camp pawl ah an umter hna i eidin an tawlrel piak hna, an phone an fim piak hna, a hri ummi phone in an chungkhat pawl ṭha tein an pehtlaih ter hna, an umkal duhnak ah zalong tein an umkal ter hna i sii-ai zong in an thlopbul hna tiah theih a si.

October 3 ah Magway ramṭhen, Pauk peng, Zeepyar khua pyusawhtee sakhaan cu PDF phufonh nih an rak kah hna i ralkap le palek 17 an rak thi, pyusawhtee 53 a nung in an rak tlaih hna. Ralkap le palek cheukhat an zaam manh i pyusawhtee 53 cu ṭha tein an zohkhenh hna caah pyusawhtee 27 nih mipi lei an i fonh tiah theih a si.

Na ruahning rak langhter ve.. (Leave a comment)

%d bloggers like this: