Paungde Peng, Bago Yoma Kahdohnak Ah SAC Ralkap 1 A Thi
The Chinland Post | 2023 June 16 — Bago ramṭhen, Paungde peng, Bago Yoma lei ah a rak lut mi SAC ralkap kahdohnak ah SAC ralkap 1 a thi tiah Paungde peng PDF sin in thawng theih a si.
June 12 zinglei sml 11:30am hrawng ah Paungde peng, Bago Yoma hram, Thitpyu tiva kam ah a rak lut mi SAC ralkap an kah hna i 1 a thi tiah theih a si.
SAC ralkap lei nih hriamngan bawm in kahdohnak na rak tuah ve i kaltak cang mi sakhaan hlun 1 an khangh. Mipi hriamtlai pawl him tein an kir kho tiah theih a si.
Kahdohnak chung ah Pyay pengkomh PDF a si mi Paungde peng PPDF B3601 le Pyay PDF B3602 hna an i bawm tiah theih a si.