PDF caah hriamnam a tlawmbik an herhmi a rauh hlan ah kan zalhpiak khawh hna lai – NUG Ministry of Defense

The Chinland Post | 2022 March 14 – PDF nih an herhmi hriamnam a tlawmbik a rauh hlan ah kan zalh piak khawh cang hna lai tiah NUG tang Ministry of Defense nih a thanh.

March 14 ah NUG tang Ministry of Defense i mipi nih kan dohnak hna thla 6 tlin report ah an langhter.

“A tu bantuk in kan hawikom pawl bawmhchannak thawng in hriamnam tlawmpal kan zalh khawh cang tiah thawngṭha kan in thanh hna. Asinain, PDF an zapi nih hriam tlaih khawhnak hi cu a tamtuk aa duh rih ko” tiah an report ah a lang.

NUG tang Ministry of Defense caah mipi nih an hlutmi hi 30 million leng a si i kan ngahmi chungin 85% hi hriamnam caah kan hman tiah a ti.

“Kandohnak ah a kan telpi mi kan hawile le hriam chapnak ah a dangdang a herhmi caah 7% zong kan hman chih” tiah an report nih a langhter.

Na ruahning rak langhter ve.. (Leave a comment)

%d bloggers like this: