May 24, 2024

Pinlaung le Pekon Ramri Thla 1 Chung Kahdohnak ah SAC Ralkap 200 Leng An Thi, 100 Nak Tlawm Lo An I Hliam

0

The Chinland Post | 2023 March 31 — Shan ram thlanglei, Pinlaung peng le Pekon peng ramri ah a chuak mi thla 1 chung kahdohnak ah SAC ralkap 200 leng an thi i 100 leng an i hliam tiah 1007 Mobye PDF nih a thanh.

February 24 – March 30 tiang SAC ralkap le 1007 Mobye PDF, Phekhon Zone (KNDF), 1001 Moebye PDF, 1002 Moebye PDF, PNDF (KK), DMO Local PDF, 1009 IPDF, 1008 SSRY phufonh hna karlak ah kahdohnak fak ngai in a chuah hi a si.

Kahdohnak chung in SAC ralkap hriam tampi an lak khawh i PDF chungtel 10 an nunnak a liam, 15 nak tlawm lo an i hliam ve tiah an langhter.

March thla zarhkhatnak ah SAC ralkap pawl nih Pinlaung peng, Ningnan khua phungki sianginn chung um phungki 3 telh in sualnak ngei lo mipi 22 an thah hna leng ah khuate pawl zong a khangh len.

Kahdohnak chung ah SAC nih vanlei kahdohnak voi 26 a tuah fawn tiah 1007 Moebye PDF nih an thanh.

About The Author

Na ruahning rak langhter ve.. (Leave a comment)

%d bloggers like this: