Rakhine Ram Kahdohnak Chung Ah Byuha Hmu Le Adang Ralbawi Ngan Pawl An Tlaih Hna
The Chinland Post | 2024 February 15 — Rakhine ram kahdohnak pawl chung ah SAC ralkap MOC 9 kuttang Tactical Operator Lt. Colonel Nyi Nyi Win le Brigadier General Zaw Min Htun hna cu a nung in an tlaih hna i Colonel Min Min Htun le Lt. Colonel Banyar Paing Soe hna cu kahdohnak chung ah an thi i Brigadier General Zin Myo Swe a tlau tiah AA nih thawng an thanh.
A luancia February 16 ah Kyaukdaw MOC 9 kuttang byuha 3 byuha hmu a si mi Lt. General Nyi Nyi Win cu a lu le a ṭang ah hliam a tuar i a thih deng lio ah an va hmuh i AA nih an thlop lio a si thihnak in a luat tiah theih a si.
Cun February 7 le February 8 ah Kyaukdaw peng, Apaukwa khua pawng ti lei ralkap kahdohnak ah a zaam mi Brigade 9 Brigadier Commander Zaw Min Htun zong an tlaih.
February 7 ah Mrauk U khua IB 377 in Brigade 11 Commander General Min Min Htun le 2023 December zarh 2 nak ah Paletwa peng kahdohnak chung zong ah SAC ralkap Hnung-bu Tactical Operator Lt. Colonel Banyar Paing Soe zong meithal hliamhma in a thi.
Paletwa hmunhma hrambunh ralram Headquarters pakhat a si mi MOC 19, ralram Headquarters Brigadier Commander Zin Myo Swe cu a tlau tiah AA nih an thanh.
About The Author
