Ralkap Council le Unau Hawikom Phu (MNDAA, TNLA, AA) Hna Tonbiaruahnak An Ngei
The Chinland Post | 2023 December 11 — Atulio a cang cuahmah mi kahdohnak kong he pehtlai in chaklei unau hawikom phu (MNDAA, TNLA, AA) le ralkap Council karlak ah tonbiaruahnak an ngei tiah Tuluk ramdang lei Minister Mao Ning nih December 11 ah a chim tiah RFA nih a langhter.
Cu tonbiaruahnak chung ah kaphnih caah miaknak a um ding a phichuak pawl zong a um tiah a chim nain zeibantuk a phichuak dah a si ti cu a chim lo.
Atu bantuk in tobiaruahnak an ngeih khawh mi hi Tuluk zong aa lawm tuk i Tuluk cozah zong nih bawmhnak a pek thluahmah lai tiah RFA nih cun a ṭial.
Ralkap Council lei chimphuannak nawl a ngeitu Zaw Min Htun zong nih Tuluk cozah bawmhnak thawng in tonbiaruahnak kan ngei kho tiah a chim ve.
Unau hawikom phu (MNDAA, TNLA, AA) lei tu nih cun tonbiaruahnak he pehtlai in zeihmanh an thanh mi a um lo.
About The Author
