Ramree Khua AA Nih A Lak Dih Cang
The Chinland Post | 2024 March 12 — Rakhine ram, Ramree khua zapi cu SAC kut in kan lak khawh cang tiah AA nih March 11 zaanlei ah thawng an thanh.
Khua lak kahdohnak cu 2023 December thla lai hrawng in an thawk i ni 85 a rauh hnu ah khua ning in an lak khawh hi a si tiah an thanh.
Ramree khua um SAC ralkap chungtel zapi zong an thah dih hna tiah AA cathanh nih a langhter.
Ramree khua cu SAC nih vawlei lei, ti lei le van lei bawm in nifatin a kham bantuk in khuachung ah a tang mi bomrap pawl zong thianh ding a taang tiah an ṭial.
Cucaah khua a zaamtak mi hna nih a rannak in inn lei kir rih lo ding tiah AA nih nawlnak cathanh zong an langhter.
About The Author
