Rathedaung peng i SAC ralkap sakhaan pakhat AA nih a lak

The Chinland Post | 2022 September 28 – Rakhine ram, Rathaedaung peng ah a ummi SAC kuttang BGF sakhaan pakhat cu AA nih September 27 zaanlei ah an lak tiah theih a si.

Rathedaung peng Mayu tlang hram ah hmunhma a khuarmi BGF sakhaan cu an lak a si tiah khuami nih People’s Spring ah an chim.

“2017 lioah Rohingya tampi an thahnak hna Chunpin khua phak hlan Chunpin khualu ah a ummi Mayu tlang cungah a ummi sakhaan a si. Cu sakhaan cu zaanlei sml 4:00pm hrawng ah an kah. Cun sml 5:00pm luan hrawng cun meikhu a chuah kha kan hmuh” tiah a chim.

Atu an laknak sakhaan ah BGF lengah SAC ralkap thazang an chap i, AA lei nih thazang 300 hrawng in an rak cawlcang tiah thawng kan theih, AA nih a rem cang tiah an ti i an kah hna hi a si lai. Sakhaan lak kahdohnak ah a thimi zat kan thei rih lo tiah khuami nih an chim.

SAC nih thazang an chap caah sakhaan pawngkam zong ah kahdohnak a chuak tiah theih a si.

Na ruahning rak langhter ve.. (Leave a comment)

%d bloggers like this: