Reuters Reporter Pahnih Cu Cozah Thlithup Lei Upadi In Sualphawt An Phu Le Phu Lo July 9 Ah Bia An Chah Lai

TCP-Online| 2018 June 2|  Reuters reporter pahnih Ko Wa Lung le Ko Kyaw Soe cu Kawlram cozah thlithup lei upadi in sualphawt an phu le phu lo July 9 ah bia an chahpiak cang hna lai. July 2 ah kaphnih sihni hna nawlnak in biaceihtu nih tubantuk in bia a chah hi a si.

Reuters reporter pahnih Ko Wa Lung le Ko Kyaw Soe cu 2017 kum December 12 ni khan Rakhine ramkulh chung i a cangmi kongah cozah thlithup an phozar ti an puh caah sual an rak phawt hna i palek nih an rak tlaih hna. Palek lei nih Ko Wa Lung le Ko Kyaw Soe cu cozah thlithup phozarnak kong upadi pohmah 3(1)(c) in sual an rak phawt i biaceihzung an chuahpi.

Mah pohmah in biachahmi cu a tlawmbik kum 14 thong tlak ding a si. July 2 khan kaphnih sihni hna nih biaceihtu sin an nawl bang in biaceihtu nih cun cozah thlithup phozarnak upadi in sualphawt an phu le phu lo July 9 ah an biachahpiak an si cang lai tiah a chim.
Ref: Mizzima

Na ruahning rak langhter ve.. (Leave a comment)

%d bloggers like this: