Rihkhawdar ah kahdohnak a chuak i SAC hriamngan ruangah mipi 1 a thi, 3 hma an tuar
The Chinland Post | 2022 August 10 – India le Myanmar ramri Falam peng, Rihkhawdar khua No.2 sang, Tio tiva tlang ah a ummi SAC ralkap le mipi hriamtlai cu August 10 zinglei sml 5:00am-8:00am tiang kahdohnak a chuak tiah theih a si.
Rihkhawdar No.1 sakhaan in SAC ralkap nih hriamngan pehzulh in kah a bawmh i hriamngan pakhat khua chungah a puah caah Kalay in a rak zaammi mipi 1 a thi, adang minung 3 zong an i hliam.
Kahdohnak a chuah ruangah Rihkhawdar khua ah SAC kahdohnak vanlawng jet pakhat a rak phan i khua voi 4 hrawng a hel tiah theih a si.
Rihkhawdar khua No.2 sang mipi an zapi deng in India ram ah an zaam i ramri hlei pawngah a ummi mipi lawng zaam loin an taang tiah theih a si.
About The Author
