Rihkhawdar Khua Dothlennak Phu Pawl Nih An Lak, Major 2 Nih A Sung An Pek
The Chinland Post | 2023 November 14 — CNA hruainak in Falam peng ah a um mi ralkap sakhaan 2 cu an kah i khua ning in an uk khawh cang tiah theih a si.
Falam peng, Rihkhawdar khua ah ralkap nih hmunhma an khuarnak sakhaan 2 cu November 12 zaan sml 11:00pm hrawng in an kah i November 13 zinglei sml 6:00am hrawng ah ralkap sakhaan 1 an lak khawh.
Adang sakhaan hme 1 zong zaanlei sml 5:00pm hrawng ah an lak tiah theih a si.
“Rihkhawdar ah sakhaan 2 lawng a um. Adang sakhaan a um ti lo. Sakhaan ngan hi cu zinglei sml 6:00am hrawng ah kan lak. Sakhaan hme hi cu zaanlei sml 5:00pm hrawng ah kan lak. Rihkhawdar khua ning pi in kan uk khawh cang” tiah CNF chimphuannak nawl a ngeitu Salai Htet Ni nih a chim.
Kahdohnak chung ah CNA hruainak in CDF-Hualngoram, CDF-Thantlang Drone phu hna an i tel tiah theih a si.
Kahdohnak chung ah ralkap lei 5 hrawng an thi i Major rank 2 nih a sung an pek tiah theih a si.
Kahdohnak chung ah ralkap nih Mi 35 Helicopter 2 in kahdoh a rak bawmh hna tiah theih a si.
About The Author
