Rihkhawdar sakhaan in ralkap pakhat CDF-Hualngoram sin ah CDM a tuah, sing 60 laksawng an pek

The Chinland Post | 2022 September 16 – Chin ramkulh, Falam peng, India-Myanmar ramri ah a ummi Rihkhawdar sakhaan in SAC ralkap pakhat cu hriamtling he kan sin ah CDM a tuah tiah CDF-Hualngoram nih a thanh.

A luancia September 8 ah Falam peng, Rihkhawdar ralkap sakhaan Infantry 268 in ralkap Ni Man Nanda cu MA-1 zuun 1, kuan 250 le kuan bawm 4 he CDM a rak tuah hi a si.

Hriamtling he CDM a tuahmi ralkap cu sing 60 laksawng an pek i himnak hmun ah an kuat tiah theih a si.

Atutiang CDF-Hualngoram sin ah SAC ralkap 8 le palek 6 CDM an tuah cang i a cheu cu hriam an i put ko nain cheukhat cu a ruang tampi ruangah hriam an rak i put kho lo tiah theih a si.

Na ruahning rak langhter ve.. (Leave a comment)

%d bloggers like this: