SAC a doh mi phu pawl he kan i bawm lai tiah AA, TNLA le MNDAA nih an thanh
The Chinland Post | 2023 January 2 – Hramhram uknak hrawh ding in SAC a doh mi phu pawl he kan i bawm lai tiah unau phu a si mi AA, TNLA le MNDAA nih an thanh.
Arakan Army (AA), Ta’ang National Liberation Army (TNLA) le Myanmar National Democratic Alliance Army (MNDAA) unau phu 3 nih 2023 January 1 ah atu bantuk in cathanh an chuah hi a si.
Pau Dothlennak ruang ah a rak chuak mi dothlennak phu pawl chung in mipi nih an cohlan mi hna phu cheukhat he bawm in Myanmar ram mipi hna nih an i ruahchan mi atulio dirhmun tei khawh nak hnga hramhram uknak doh ding in tuah a herh mi pawl pehzulh in kan tuah lai tiah an thanh.
Cun lungrual te in kan um lawng ah hramhram uknak kan hrawh khawh lai, a hlan nak in thazang chuah deuh rih hna u sih tiah AA, TNLA le MNDAA unau phu nih forhfialnak an langhter fawn.
Cu unau phu 3 hna chung in AA cu SAC he chikhat kahdaih hnatlaknak an ngei.
About The Author
