SAC Chuah Lai Mi Kyat 20,000 Tangka Cu Hnatlakpi A Si Lo Tiah NUG Cankharlak Central Bank Nih Thawngthanhnak A Tuah
Salai Mangpau | July 27, 2023 — SAC chuahlai mi kyat 20000 tangka cu phungning lo chuah timh mi a si tiah NUG cankharlak central bank nih July 27, 2023 ni ah thawngthanhnak a tuah.
Kyat 20000 tangka cu National Unity Government le mah hna uknak a chang tu dingmi cozah nih hna tlak pi an si lai lo i phungning lo tangka a sinak kong theihternak
1. Phungning lo ralkap cozah/dotla lomi ralkap cozah SAC ralhrang uknak tang aummi Central bank nih Myanmar ram ah kyat 20000 tangka thar cu July 31,2023 ah hman in chauh a si lai tiah July 13 ni thawngthanhnak a tuah cu theih a si.
2. Cubantuk tuahtimh mi phungning lo/dotlalo mi cozah cu nihin ah harnak le buainak tampi aa ton can le mipi cung kutthlak in thah nawnnak a tuah cuahmah lio ah a pemnak a hmun khawhnak hnga a herh mi tangka budget angaih kho nakhnga a tu bantuk tangka thar chuah aa timmi a si tiah kan hmuh ning a si.
3. Phungninglo ralkap cozah SAC siseh, an uknak a chang te lai mi bu phatkhat si hna seh, An mah kuttang ummi bu siseh tangka thar chuah ding mi cu phungning lo thil a si.
4. Phungning lo tangka chuah ruangah tangka man ngei lo in a um lai dingmi ah kan mah mipi lei nih kan thazang thlantiput he kan kawlhawl mi tangka cu khat lei in an kan fir a si ko. Kan ram cu phungning lo ralkap cozah SAC nih mipi sin a tuah sernak nih hlan kan ton bal lo mi cu nihin ah kan ton cuahmah mi ram buainak, Sifahnak le Pulrai zawtnak harnak phun kip tuar mi Innchungkhar kip, Sipuazi riantuan tu, Mipi he hmunkhat riantuan tu vialte cu SAC central bank nih tangka thar chuah aa tim mi zohtik ah mipi harnak thar a tlung pi than lai zawn ruahah cu tangka thar cu pom awk a `ha lo mi a si.
5. Cucaah phungning lo ralkap cozah/dotla lo mi lo ralkap cozah SAC kuttang Central bank nih a chuah hnga mi kyat 20000 tangka cu National Unity Government (NUG) le mah hna uknak a chang tu dingmi cozah hna nih pompiak a si lai lo i cu tangka cu phungning lo tangka a si tiah thawngthangh asi.
Sd/ Htin Tun Naing
Chairman
Cankarlak Central bank
National Unity Government
About The Author
