SAC cung ah ramdang nih phihkharnak an tuah mi CNF nih an lunglawmhnak an langhter

0

The Chinland Post | 2023 February 10 — Hramhram in uknak a latu SAC cung ah ni tlaklei ram hna nih phihkharnak an tuah mi cung ah kan i lawm tiah CNF nih an thanh.

American, Britain, Canada le Australia hna nih SAC cung ah phihkharnak an tuah hi mipi pawl a hremnak le kahdohnak chung ah dawnkhantu nganpi a si ter lai tiah CNF nih an chim.

A hlei khun in, Canada le Britain nih SAC caah vanlawng datsi/diesel an phorhnak kha phihkharnak a tuah caah kan i lawm tiah CNF nih a chim. Vanlawng Datsi/Diesel an lak khawh nak lam a um chung cu SAC nih mipi umnak hmunhma ah ral le ral lo thleidang lo in a doh ko lai tiah an langhter.

Cun SAC nih a tuah mi kahdohnak, mipi umnak zong hrial lo in vanlei kahdohnak a tuah mi zong CNF nih an doh. A hlei in a luancia December 21 ah UN nih Myanmar kong he pehtlai in hnatlaknak an ngeih mi hramhram in kahdohnak pawl dirter seh timi kha SAC nih an buar hramhram caah kan cohlang lo tiah an thanh.

Cun ASEAN Chairmanship a si mi Indonesia nih Myanmar ram mipi hna caah bawmhnak pawl khenkhamnak um lo tein pek khawh nak hnga an i zuam mi zong CNF nih kan lung aa lawm tiah cathanh ah an ṭial.

Cun, vawlei cung ram hna nih Myanmar ramchung buainak pawl zong ṭha tein kan ngiatpiak uh tiah CNF nih a hal.

Cun, phung he aa kalh mi uk caan sauh mi chung ah Chin ramkulh leng in Myanmar ram buainak hi karhter chin aa tim tiah CNF nih ralrinnak a thanh.

Na ruahning rak langhter ve.. (Leave a comment)

%d bloggers like this: