SAC hriamngan nih Mucu sianginn a khen i hngakchia 1 a thi, 8 an i hliam

The Chinland Post | 2022 November 16 – Kayah ram, Demoso peng nithlak lei ah SAC ralkap nih an kah mi hriamngan cu Mucu sianginn ah a tla i a puah caah kum 5 hngakchia a nunnak a liam i mipi 8 an i hliam tiah theih a si.

November 15 zaanlei sml 5:00pm luan hrawng ah Demoso peng, Ngwedaung hrambunh SAC battalion 102 nih an kah mi hriamngan 5 chung in 3 cu Demoso peng nithlak ni ah mipi thazang in dirh mi Mucu sianginn ah a tla i a puah caah a thi mi an um tiah Karen dothlennak phu nih an fehter.

Karen dothlennak phufonh biachimnak nawl a ngeitu nih “Sianginn pawng ah ralzaam pawl zong an um. Ralzaam hngakchia le mipi pawl a khen hna. Cheukhat cu an hma a fak i an ke tan a hau mi zong an um” tiah The Irrawaddy ah a chim.

November 14 zong ah SAC nih an kah mi hriamngan ruang ah Pekon peng, Lwaihtan khua hngakchia kum 7 pakhat telh in 3 an rak i hliam.

Na ruahning rak langhter ve.. (Leave a comment)

%d bloggers like this: